අද..

මට හැමදාමත් ඕනේ උනා
වැස්සේ තෙමෙන්න..
ඉතින්
අද මම වැස්සේ තෙමුණා..
එතකොට
කාටවත් පේන්නෙ නෑනේ
මම අඬනවා කියලා.....

.........

නිමක් නොපෙනෙන 
සයුරු තෙර හිඳ
මගේ දිවියේ 
ඉමක් සෙවූයෙමි
නමුදු ලැබුනේ
ප්‍රෙහෙළිකාවකි
සිතුම් දස අත 
පුරා විසිරුණු.....

සිහින තොටුපල

සිහින තොටුපල ළඟට
ඔබ අවුත් සැම දිනම
සෙනෙහසින් සිපගන්න
තද කරන් ඔය හදට....

???

ලස්සන හීන ගොඩක් මවලා 
ඒ ඔක්කොම එක මොහොතින් 
බිඳිලා ගියොත්.....

මතකයිද?

පිණි වැටෙන හිරු
වියන යට
මල් පිපුණු තණ
බිස්ස මත
මතකයිද
අපි දෙදෙනා සිටියා....
සවනතට ළං වෙලා
පෙම් වදන් කොඳුරමින්
උණුසුමේ ගුලි වෙලා
ආදරෙන් හිනැහෙමින්....

මිරිඟුවක්ද ඔබ?

මිරිඟුවක්ද ඔබ?
තෙරෙන්නේ නෑ මට....
මිරිඟුවකට පෙම් බඳින එක
වැරැද්දක්ද?

කවුද කිවේ වැරැද්දක් කියලා?
අපි කැමති කෙනෙක්ට
අපිට පුලුවන් පෙම් කරන්න

ආදරය ලැබෙන්න ඕනෙම නෑ
ආදරය කරන්න...

ඉතින් මාත් එහෙනම්
ආදරය කරනවා
ඔයාට.....